អ្នកសរសេរប្លុក Faces to Hearts ធ្វើទស្សនកិច្ចមកកាន់គម្រោង Migra Action

លោកស្រី Lauren Kana Chan ជាអ្នកសរសេរប្លុកនិងជាអ្នកនិទានរឿងជនជាតិជប៉ុន បានមកទស្សនាគម្រោង Migra Action នៅក្នុងខេត្តសៀមរាប។ គាត់បានចូលរួមជាមួយក្រុមជួយខ្លួនឯង និងសហគមន៍ក្នុងតំបន់ ហើយបានចែករំលែកគន្លឹះខ្លះៗក្នុងការធ្វើបទសម្ភាសន៍ជាមួយក្រុមអប់រំមិត្តវ័យក្មេង (Peer Educators)។

ខ្លួនឯង របស់គម្រោង MIGRA ACTION។ ក្រុមមិត្តអប់រំមិត្តកំពុងធ្វើការ ខេត្តសៀមរាប ខែកុម្ភៈ ឆ្នាំ ២០១៨ រូបថតដោយ Lauren Kana Chan

លោកស្រី Lauren ជាអ្នកសរសេរប្លុកម្នាក់ដែលត្រូវបានជ្រើសរើសក្នុងចំណោមអ្នកសរសេរប្លុកបួននាក់ ដើម្បីចូលរួមក្នុងយុទ្ធនាការ #Face2Hearts ដែលដំណើរការដោយគណៈកម្មការអឺរ៉ុប ដើម្បីធ្វើទស្សនកិច្ចនិងនាំយកការយល់ដឹងអំពីគម្រោងដែលឧបត្ថម្ភដោយសហភាពអឺរ៉ុបទូទាំងពិភពលោក។ នៅប្រទេសកម្ពុជា លោកស្រី Lauren ក្រៅពីសកម្មភាពផ្សេងៗទៀតក៏បានទៅទស្សនាគម្រោងដែលដំណើរការដោយ អង្គការ GVC នៅក្នុងខេត្តសៀមរាប។ ក្នុងរយៈពេលពីរថ្ងៃ គាត់បានពិនិត្យមើលគម្រោង Migra Action និងបានចូលរួមជាមួយបុគ្គលិក អង្គការ GVC ដើម្បីជួបជាមួយអ្នកភូមិ។

លោកស្រី Lauren បានធ្វើដំណើរទៅកាន់ស្រុកក្រឡាញ់ ដែលជាតំបន់មួយក្នុងចំណោមតំបន់គោលដៅរបស់គម្រោង ដែលត្រូវបានគេស្គាល់ដោយសារតំបន់នេះមានអត្រាអ្នកចំណាកស្រុកខ្ពស់។ គាត់បានជួបនឹងអាជ្ញាធរក្នុងតំបន់ ហើយបានចូលរួមជាមួយក្រុមជួយខ្លួនឯង នៅក្នុងកិច្ចប្រជុំប្រចាំខែដែលដឹកនាំដោយ អង្គការ GVC និងដៃគូ (អង្គការជំនួយផ្លូវច្បាប់ដល់កុមារនិងស្ត្រី និងអង្គការកម្ពុជាដើម្បីជួយស្ត្រីមានវិបត្តិ) នៅក្នុងតំបន់ដាច់ស្រយាលនៃប្រទេសកម្ពុជាដើម្បីពិភាក្សាជាមួយអ្នកភូមិអំពីការធ្វើចំណាកស្រុក។

កិច្ចប្រជុំទាំងនេះដើរតួជាវេទិកាដើម្បីផ្លាស់ប្ដូរព័ត៌មាន៖ បុគ្គលិករបស់ អង្គការ GVC ពន្យល់អំពីដំណើរការនៃការទទួលបានលិខិតឆ្លងដែននិងទិដ្ឋាការ និងសារៈសំខាន់ក្នុងការមានឯកសារច្បាប់នៅពេលធ្វើដំណើរទៅកាន់បរទេសដើម្បីធ្វើការ។ ចំណែកអ្នកភូមិចែករំលែកពីភស្តុតាងនានា និងសាកសួរដល់អង្គការទាំងនោះដើម្បីជាគំនិតយោបល់សម្រាប់ពិចារណា។

លោកស្រី Katarzyna Sumislawska អ្នកស្ម័គ្រចិត្តរបស់កម្មវិធីជំនួយសហភាពអឺរ៉ុបដែលចូលរួមយុទ្ធនាការទំនាក់ទំនងរបស់គម្រោង Migra Action បានមានប្រសាសន៍ថា៖ «អង្គការ GVC ជឿថាព័ត៌មាននិងចំណេះដឹងនឹងអាចជួយកាត់បន្ថយភាពងាយនឹងទទួលរងគ្រោះរបស់ពលករចំណាកស្រុក និងទីបំផុតអាចជួយចូលរួមក្នុងការប្រយុទ្ធប្រឆាំងនឹងការជួញដូរមនុស្ស»។ ជាពិសេស ការចែករំលែករឿងរ៉ាវផ្ទាល់ខ្លួនរវាងអ្នកភូមិនិងអ្នកភូមិ និងការលើកទឹកចិត្តឱ្យមានការចែកចាយព័ត៌មានមិនផ្លូវការគឺជាវិធីដ៏ជោគជ័យក្នុងការការពារមិនឱ្យមានការរំលោភបំពាន និងការជួញដូរមនុស្ស។»

លោកស្រី Katarzyna Sumislawska អ្នកស្ម័គ្រចិត្តកម្មវិធីជំនួយសហភាពអឺរ៉ុប ជជែកជាមួយក្រុមអ្នកអប់រំមិត្ត។ បកប្រែដោយ ឆាយ តុលា អង្គការ GVC។ ខេត្តសៀមរាប ខែកុម្ភៈ ឆ្នាំ ២០១៨។ រូបថតដោយ Laura Kana Chan

នេះគឺជាមូលហេតុដែលយើងមានកម្មវិធីបន្ថែមមួយទៀតគឺ៖ ក្រុមមិត្តអប់រំមិត្ត ដែលមានប្រជាជនកម្ពុជាក្មេងៗដើម្បីជួយប្រមូលរឿងរ៉ាវរបស់ពលករចំណាកស្រុកតាមភូមិរបស់ពួកគេតាមរយៈការប្រើប្រាស់ទូរស័ព្ទស្មាតហ្វូន។ ពួកគេក៏បានចែកចាយព័ត៌មានអំពីការធ្វើចំណាកស្រុកដោយសុវត្ថិភាពក្នុងចំណោមមិត្តភក្ត្ររបស់ពួកគេដែរ។ យើងបានបង្ហាញរឿងរ៉ាវរបស់ពួកគេនៅលើទំព័រហ្វេសប៊ុក ដើម្បីឱ្យបានទៅដល់ប្រជាជនកម្ពុជាដទៃទៀតនៅលើប្រព័ន្ធអ៊ីនធើណេត។

លោកស្រី Lauren បានជួបនឹងសមាជិកក្រុមមិ្តអប់រំមិត្តចំនួនប្រាំនាក់នៅស្រុកក្រឡាញ់ ហើយគាត់បានចែករំលែកគន្លឹះសំខាន់ក្នុងការធ្វើបទសម្ភាសន៍ជាមួយពួកគេ។ គាត់បានមានប្រសាសន៍ថា «មុនពេលយើងចាប់ផ្ដើមសម្ភាសន៍ យើងត្រូវសួរខ្លួនឯងថាហេតុអ្វីបានជាយើងសម្ភាសន៍។ ហេតុអ្វីបានជាយើងសម្រេចចិត្តធ្វើជាសមាជិកក្រុមមិត្តអប់រំមិត្ត? ហើយយើងត្រូវរំលឹកខ្លួនឯងថាតើអ្វីសំខាន់ចំពោះយើង ហើយយើងអាចចាប់ផ្តើមការសាកសួរពីគំនិតនោះតែម្ដង។»

ក្រុមមិត្តអប់រំមិត្តកំពុងធ្វើការ។ ខេត្តសៀមរាប ខែកុម្ភៈ ឆ្នាំ ២០១៨។ រូបថតដោយ Laura Kana Chan ។

បើតាមលោកស្រី Lauren, ការនិទានរឿងមានចំណុចសំខាន់ៗចំនួនបីដែលយើងគួរយកមកគិត៖ «ចំណុចទី១គឺ ភាពកក់ក្ដៅ ធ្វើឱ្យអ្នកស្ដាប់ចូលចិត្ត និងការយល់ពីអារម្មណ៍របស់អ្នកស្ដាប់ ត្រូវញញឹម ហើយធ្វើឱ្យអ្នកស្ដាប់មិនមានភាពភ័យខ្លាច។ ចំណុចទីពីរគឺទំនុកចិត្ត។ វាអាចជារឿងលំបាកជាងមុនបន្តិចដោយសារយើងត្រូវចាប់ផ្ដើមតួនាទីថ្មី ប៉ុន្តែយើងត្រូវតែមានទំនុកចិត្តលើអ្វីដែលយើងនិយាយ ទាំងពេលសួរសំណួរ ឬពេលពិភាក្សាជាមួយមនុស្សដែលយើងសម្ភាសន៍។ ចំណុចទីបី យើងត្រូវតែចាប់អារម្មណ៍ មានន័យថាយើងត្រូវបង្ហាញទៅកាន់អ្នកសម្ភាសន៍ថាយើងចាប់អារម្មណ៍ចំពោះអ្វីដែលពួកគេចែករំលែក ហើយត្រូវបង្ហាញថាយើងចង់ស្ដាប់ចង់ឮពីពួកគេ ចំណុចនេះនឹងបង្កើននូវការទុកចិត្តគ្នានៅពេលសន្ទនាផងដែរ។»

ជាមួយនឹងបុគ្គលិករបស់ អង្គការ GVC លោកស្រី Lauren បានមើលក្រុមមិត្តអប់រំមិត្តធ្វើបទសម្ភាសន៍ដំបូងរបស់ពួកគេអំឡុងពេល ប្រជុំក្រុមជួយខ្លួនឯង ហើយបានស្ដាប់នូវសក្ខីកម្មផ្សេងៗរបស់អ្នកភូមិបួននាក់ដែលទើបតែត្រឡប់មកពីធ្វើការនៅប្រទេសថៃវិញ។

អ្នកសរសេរប្លុករូបនេះក៏បានចូលរួមក្នុងជំនួបជាមួយអាជ្ញាធរក្នុងតំបន់របស់ស្រុកក្រឡាញ់ផងដែរ ដើម្បីសិក្សាអំពីការធ្វើចំណាកស្រុកក្នុងតំបន់។ គាត់បានពិភាក្សាអំពីបញ្ហាប្រឈមដែលអ្នកក្នុងតំបន់បានជួបប្រទះ និងមូលហេតុដែលពួកគេសម្រេចចិត្តធ្វើចំណាកស្រុក និងអ្វីដែលអាជ្ញាធរក្នុងតំបន់អាចជួយពួកគេបាន ហើយគាត់ក៏បានជជែកអំពី អង្គការ GVC និងដៃគូ ជាមួយនឹងគម្រោង MIGRA ACTION ទៅកាន់អ្នកធ្វើចំណាកស្រុកនិងគ្រួសាររបស់ពួកគេផងដែរ។