ឯកសារពាក់ព័ន្ធ

ដើម្បីចាប់ផ្ដើមធ្វើការនៅប្រទេសថៃដោយស្របច្បាប់អ្នកត្រូវធ្វើតាមនីតិវិធីមួយចំនួននិងឯកសារដែលត្រូវមាន:

ឯកសារចំនួន៤ច្បាប់នៅកម្ពុជាមុនពេលអ្នកចេញដំណើរ៖

1

Passport or travel docuលិខិតឆ្លងដែនឬឯកសារធ្វើដំណើរment
អានបន្ថែម

2

ប័ណ្ណពលករកម្ពុជាក្រៅប្រទេស
អានបន្ថែម

3

ទិដ្ឋាការ (ប្រភេទ: L-A)
អានបន្ថែម

4

កិច្ចសន្យាការងារ
អានបន្ថែម

ឯកសារបីផ្សេងទៀត អ្នកនឹងទទួលបាននៅប្រទេសថៃ៖

5

សៀវភៅអនុញ្ញាតការងារ​ (លិខិតឆ្លងដែនពណ៌ខៀវ)
អានបន្ថែម

6

ប័ណ្ណសុខភាព
អានបន្ថែម

7

ប័ណ្ណអនុញ្ញាតិការងារ
អានបន្ថែម

ប័ណ្ណពណ៌ផ្កាឈូក
អានបន្ថែម

ឯកសារមុនចេញដំណើរ

មុនពេលអ្នកពិចារណាទៅធ្វើការនៅប្រទេសថៃអ្នកត្រូវទាក់ទងជាមួយទីភ្នាក់ងារជ្រើសរើសបុគ្គលិកឯកជន(PRA)ដែលមានការចុះបញ្ជីទទួលស្គាល់ ដែលមានអ្នកតំណាងរបស់អ្នកនឹងជួយអ្នកក្នុងការទទួលបានការងារនិងជួយអ្នកក្នុងការរៀបចំឯកសារសំខាន់ៗ។ នេះគឺជាជំហានដែលអ្នកត្រូវធ្វើតាម។

1. ទទួលបានលិខិតឆ្លងដែននិងឯកសារធ្វើដំណើរ

ដើម្បីទទួលបានលិខិតឆ្លងដែន លោកអ្នកចាំបាច់ត្រូវរៀបចំឯកសារចំនួន ៣ ។ ទីភ្នាក់ងារជ្រើសរើសពលកររបស់អ្នកនឹងដំណើរការឯកសាររបស់អ្នក ដោយជាដំបូងគឺដាក់ពាក្យស្នើសុំប័ណ្ណការងារក្រៅប្រទេសនៃព្រះរាជាណាចក្រកម្ពុជា (OCWC) សម្រាប់អ្នក បន្ទាប់មកនៅពេលអ្នកមានប័ណ្ណOCWC អ្នកអាចដាក់ពាក្យសុំឯកសារធ្វើដំណើរ (លិខិតឆ្លងដែនក្រហមឬ ដែនលិខិតឆ្លងដែនខ្មៅ) ។


  • សំបុត្រកំណើត
  • +

  • សៀវភៅគ្រួសារ
  • +

  • អត្តសញ្ញាណប័ណ្ណជាតិ
  • =

  • លិខិតឆ្លងដែន (ក្រហម)

  • លិខិតឆ្លងដែនខ្មៅ / លិខិតធ្វើដំណើរ
    លិខិតឆ្លងដែនពណ៌ខ្មៅគឺជាឯកសារមួយដែលអនុញ្ញាតឱ្យពលករចំណាកស្រុកកម្ពុជាអាចធ្វើដំណើរ ធ្វើការនិងស្នាក់នៅ នៅក្នុងប្រទេសថៃ។ វាមានតំលៃ ៣៥-៧៥​ ដុល្លារអាមេរិកហើយវាអាចទទួលបានតាមរយៈភ្នាក់ងារជ្រើសរើសបុគ្គលិកឯកជន។

អ្នកក៏អាចទទួលបានលិខិតឆ្លងដែនដោយខ្លួនឯងដោយគ្មានជំនួយពីភ្នាក់ងារជ្រើសរើសបុគ្គលិក។
ដើម្បីដាក់ពាក្យសុំលិខិតឆ្លងដែនថ្មីអ្នកត្រូវតែទៅទាក់ទងការិយាល័យមួយក្នុងចំនោមការិយាល័យទាំងនេះ:

នៅរាជធានីភ្នំពេញ:

ប្រសិនបើអ្នកមានលិខិតឆ្លងដែនចាស់ ផុតកំណត់អ្នកត្រូវទៅទាក់ទងការិយាល័យលិខិតឆ្លងដែននៅក្នុងសង្កាត់និរោធ។ ប្រសិនបើអ្នកកំពុងដាក់ពាក្យស្នើសុំលិខិតឆ្លងដែនថ្មី អ្នកអាចទាក់ទងការិយាល័យលិខិតឆ្លងដែនថ្នាក់ក្រោមដែលស្ថិតនៅផ្សារទំនើបអ៊ីអន(Aeon Mall)​ ខណ្ឌសែនសុខ។

 

   

លិខិតឆ្លងដែននៅសង្កាត់និរោធ នាយកដ្ឋានលិខិតឆ្លងដែននិងអន្តោប្រវេសន៍
ភូមិតាង៉ូវសង្កាត់និរោធខណ្ឌច្បារអំពៅ ១២៣៥៧

 

https://goo.gl/maps/dJWUPgYmPuz

(+855)0 69 92 38 38

ការិយាល័យលិខិតឆ្លងដែនថ្នាក់ក្រោមដែលស្ថិតនៅផ្សារទំនើបអ៊ីអន(Aeon Mall)​ ខណ្ឌសែនសុខ
ផ្លូវលេខ ១០០៣ ភូមិបាយ៉ាប ទីក្រុងភ្នំពេញ

https://goo.gl/maps/xA7Ex2f5aDR2

 

បន្ទាយមានជ័យ

 

៥២-៥៤ គីឡូម៉ែត្រលេខ ៤ សង្កាត់ផ្សារកណ្តាលក្រុងប៉ោយប៉ែត (+855) 061 211 198

បាត់ដំបង

 

លេខ ២១៩ ភូមិជុំនីគឃុំអន្លង់វែងស្រុកសង្កែ (+855) 070 868688

Koh Kong:

 

ភូមិលេខ ៤ សង្កាត់ដងទង់ ក្រុងខេមរភូមិន្ទ (+855) 081 844 812

តម្លៃនៃលិខិតឆ្លងដែនកម្ពុជា:

  • ១០០ ដុលា្លអាមេរិក ដំណើរការក្នុងរយៈពេល ១៥ ថ្ងៃធ្វើការ
  • ១៥០ ដុលា្លអាមេរិក ដំណើរការក្នុងរយៈពេល ៧ ថ្ងៃ
  • ២០០ ដុល្លារអាមេរិក ដំណើរការក្នុងរយៈពេល ១ ថ្ងៃ

សុពលភាពនៃលិខិតឆ្លងដែន មានរយះពេល ១០ ឆ្នាំ

សេចក្តីណែនាំ អ្នកមិនត្រូវការជំនួយពីទីភ្នាក់ងារជ្រើសរើសពលករក្នុងការទទួលបានលិខិតឆ្លងដែនទេ។ ប៉ុន្តែលិខិតឆ្លងដែនមិនមែនជាឯកសារតែមួយគត់ដែលអ្នកត្រូវការដើម្បីធ្វើការដោយស្របច្បាប់នៅក្នុងប្រទេសថៃហើយអ្នកត្រូវការជំនួយពីទីភ្នាក់ងារជ្រើសរើសពលករដើម្បីទទួលបានឯកសារផ្សេងទៀតដែលនៅសល់។ នៅពេលអ្នកទុកចិត្តលើអ្នកតំណាងទីភ្នាក់ងារជ្រើសរើសពលករអ្នកអាចប្រគល់វាទៅគាត់ដើម្បីដំណើរការឯកសារផ្សេងទៀត។ ពិនិត្យមើលថាអ្នកតំណាងទីភ្នាក់ងារជ្រើសរើសពលករទទួលបានការទទួលស្គាល់ដោយរដ្ឋាភិបាលតាមតំណភ្ជាប់ខាងក្រោម (បន្ថែមតំណនៃ PRA ដែលមានការទទួលស្គាល់)

ឯកសារធ្វើដំណើរសម្រាប់ពលករចំណាកស្រុកកម្ពុជាគឺជាឯកសារធ្វើដំណើរដែលរាជរដ្ឋាភិបាលកម្ពុជាបានផ្តល់ឱ្យពលករចំណាកស្រុកទៅធ្វើការនៅបរទេសហើយមានសុពលភាពត្រឹមតែ ៥ ឆ្នាំប៉ុណ្ណោះ។ នៅពេលនេះឯកសារធ្វើដំណើរមានសុពលភាពនិងទទួលស្គាល់រវាងប្រទេសកម្ពុជានិងប្រទេសថៃ ខណៈដែលមានការដំណើរការចរចារជាមួយប្រទេសផ្សេងទៀតដើម្បីបញ្ជាក់ឬទទួលស្គាល់ឯកសារធ្វើដំណើរនេះ។

ប្រសិនបើអ្នកចង់ដាក់ពាក្យស្នើសុំលិខិតឆ្លងដែនពណ៌ខ្មៅជាដំបូងអ្នកត្រូវតែផ្លាស់ប្តូរទៅធ្វើការនៅប្រទេសថៃហើយអ្នកត្រូវតែមាននិយោជករបស់អ្នកនៅប្រទេសថៃជាមុន។ ឬអ្នកត្រូវចុះឈ្មោះជាមួយភ្នាក់ងារជ្រើសរើសពលករឯកជន (PRA) នៅកម្ពុជាដើម្បីស្វែងរកសេវាកម្មរបស់ពួកគេក្នុងការជ្រើសរើសនិងដាក់ពលករនៅថៃ។ PRA របស់អ្នកនឹងដំណើរការឯកសាររបស់អ្នកមុននឹងដាក់ពាក្យសុំប័ណ្ណការងារក្រៅប្រទេស (OCWC) សម្រាប់អ្នក។ នៅពេលអ្នកមាន OCWC វាមានន័យថាអ្នកជាពលករចំណាកស្រុក។ ដូច្នេះឥឡូវនេះអ្នកអាចដាក់ពាក្យសុំឯកសារធ្វើដំណើរបាន។

ឥឡូវនេះលោកអ្នកអាចដាក់ពាក្យស្នើសុំ OCWC នៅក្នុងសេវាកម្មប្រើតែមួយលើក (one stop service) ដែលគ្រប់គ្រងដោយអគ្គនាយកដ្ឋានការងារនិងអគ្គនាយកដ្ឋានលិខិតឆ្លងដែននិងអត្តសញ្ញាណកម្ម។ នៅរាជធានីភ្នំពេញអ្នកអាចទៅផ្សារទំនើបស្ទឹងមានជ័យ ឬអ្នកអាចទៅខេត្តបាត់ដំបង ខេត្តកោះកុង និងខេត្តបន្ទាយមានជ័យ។

2. ប័ណ្ណពលករកម្ពុជាក្រៅប្រទេស (OCWC)

ឯកសារនេះត្រូវបានទទួលដោយភ្នាក់ងារជ្រើសរើសបុគ្គលិកឯកជនសម្រាប់ពលករចំណាកស្រុក

ផ្នែកខាងមុខ


 
ផ្នែកខាងក្រោយ

3. ប្រភេទទិដ្ឋាការ L-A

មានទិដ្ឋាការជាច្រើនប្រភេទហើយពួកវាមើលទៅស្រដៀងគ្នាខ្លាំងណាស់មានតែអក្សរទេដែលខុសគ្នា

មានតែទិដ្ឋាការការងារ (អក្សរ L-A) ដែលអនុញ្ញាតឱ្យអ្នកធ្វើការនៅប្រទេសថៃ។ វាមានសុពលភាពរយៈពេល ២ ឆ្នាំហើយអ្នកមិនអាចទទួលបានវាដោយខ្លួនឯងទេ – ទីភ្នាក់ងារជ្រើសរើសបុគ្គលិកឯកជនត្រូវដាក់ពាក្យសុំសម្រាប់អ្នក។

សេចក្តីណែនាំ នៅពេលអ្នកទទួលបានលិខិតឆ្លងដែនរបស់អ្នកពីទីភ្នាក់ងារជ្រើសរើសពលករ ត្រូវពិនិត្យមើលប្រភេទទិដ្ឋាការប្រភេទណាដែលអ្នកទទួលបាន។ រកមើលអក្សរ L-A ។ ប្រសិនបើអ្នកដឹងថាទិដ្ឋាការរបស់អ្នកគឺជាទិដ្ឋាការទេសចរណ៍ (TR) អ្នកមិនអាចទៅធ្វើការបានទេ។ ផ្តល់លិខិតឆ្លងដែនរបស់អ្នកត្រឡប់ទៅទីភ្នាក់ងារជ្រើសរើសពលករវិញហើយទាមទារទិដ្ឋាការត្រឹមត្រូវដោយមិនមានការទូទាត់ប្រាក់បន្ថែមទេ វាមិនមែនជាកំហុសរបស់អ្នកដែលទិដ្ឋាការមិនត្រឹមត្រូវ។ ប្រសិនបើទីភ្នាក់ងារជ្រើសរើសពលករនៅតែត្រូវការប្រាក់បន្ថែមអ្នកគួរតែដាក់ពាក្យបណ្តឹងទៅក្រសួងការងារនិងបណ្តុះបណ្តាលវិជ្ជាជីវៈ (MOLVT) សំរាប់អ្នកនៅរាជធានីភ្នំពេញ ឬជាមួយមន្ទីរការងារនិងបណ្តុះបណ្តាលវិជ្ជាជីវៈខេត្តសំរាប់អ្នកស្ថិតនៅក្នុងខេត្ត។ ស្វែងរកលេខនៅផ្នែកសំខាន់នៃគេហទំព័រនេះ។

4. កិច្ចសន្យាការងារ

កិច្ចសន្យាការងារគឺជាកិច្ចព្រមព្រៀងរវាងអ្នកនិងនិយោជករបស់អ្នក។ វាជាឯកសារសំខាន់ណាស់ វាចែងពីភារកិច្ចនិងកាតព្វកិច្ចរបស់អ្នកជាកម្មករនិងភារកិច្ចនិងកាតព្វកិច្ចរបស់និយោជកអ្នក។ ត្រូវប្រាកដថាអ្នកយល់ពីវាមុនពេលអ្នកចុះហត្ថលេខាហើយអ្នកទទួលបានច្បាប់ចម្លងដែលបានចុះហត្ថលេខា។

សេចក្តីណែនាំ

  • កិច្ចសន្យាគួរតែត្រូវបានសរសេរជាភាសាខ្មែរនិងថៃ
  • កិច្ចសន្យាត្រូវចុះហត្ថលេខាដោយអ្នកនិងចុះហត្ថលេខាព្រមទាំងបោះត្រាដោយនិយោជកឬតំណាងរបស់អ្នកដែលអ្នកនឹងធ្វើការឱ្យ
  • សូមកុំចុះហត្ថលេខាលើក្រដាសទទេឬអត្ថបទដែលសរសេរជាភាសាដែលអ្នកមិនយល់
  • ប្រសិនបើអ្នកមានការលំបាកក្នុងការយល់ដឹងអំពីអត្ថបទសូមរកអ្នកណាម្នាក់ដែលអ្នកទុកចិត្តឱ្យជួយ
  • ត្រូវប្រាកដថាអ្នកមានច្បាប់ចម្លងកិច្ចសន្យា

យ៉ាងហោចណាស់កិច្ចសន្យាការងារគួររួមបញ្ចូល:

  • ព័ត៌មានអំពីអ្នកនិងនិយោជករបស់អ្នក ឈ្មោះរបស់អ្នក ឈ្មោះនិយោជក ឈ្មោះក្រុមហ៊ុននិងអាសយដ្ឋាន
  • ប្រភេទការងារនិងកាតព្វកិច្ចរបស់អ្នក តើអ្នកនឹងធ្វើអ្វី
  • ប្រាក់ខែនិងអត្ថប្រយោជន៍ តើអ្នកនឹងទទួលបានប្រាក់ឈ្នួលប៉ុន្មាននិងទទួលបានដោយរបៀបណា
  • ម៉ោងធ្វើការ ចំនួនម៉ោងដែលអ្នកនឹងធ្វើការនិងរបៀបផ្តល់ឪ្យនិងគណនាប្រាក់ឈ្នួលទទួលបានពេលធ្វើការលើសម៉ោង (ជាទូទៅគឺ ៨ ម៉ោង / ថ្ងៃ)
  • ការឈប់សំរាក: តើអ្នកមានថ្ងៃឈប់សម្រាកនិងថ្ងៃឈប់សម្រាកពិសេសប៉ុន្មាន?
  • ព័ត៌មានអំពីការធានារ៉ាប់រងសុខភាពដែលមានសារៈសំខាន់ណាស់ក្នុងករណីមានគ្រោះថ្នាក់
  • ពត៌មានលំអិតអំពីការបញ្ឈប់កិច្ចសន្យាការងារ

នេះគឺជាឧទាហរណ៍នៃកិច្ចសន្យាការងារមួយ៖

ឯកសារដែលទទួលបានពេលនៅប្រទេសថៃ

5. សៀវភៅការងារ

ត្រូវបានចេញដោយក្រសួងការងារសម្រាប់ជនអន្តោប្រវេសន៍ដែលមាននៅក្នុងប្រទេសថៃ។ និយោជកត្រូវនាំកម្មករអន្តោរប្រវេសន៍ទៅបន្តឯកសារនេះនៅក្រសួងការងារហើយជនអន្តោប្រវេសន៍ត្រូវយកឯកសារដោយខ្លួនឯង។ ឯកសារដែលត្រូវការគឺអត្តសញ្ញាណប័ណ្ណរបស់ចៅហ្វាយ ការចុះបញ្ជីផ្ទះរបស់និយោជក ផែនទីកន្លែងការងារ ថតចម្លងលិខិតឆ្លងដែនរបស់ពលករចំណាកស្រុករូបថត ៣ * ៤ នៃពលករចំណាកស្រុក កិច្ចសន្យាការងារនិងលិខិតបញ្ជាក់សុខភាពរបស់ពលករចំណាកស្រុក។

វាមានតម្លៃ ៣,000 បាត / ឆ្នាំ។ វាមានសុពលភាពមួយឆ្នាំ។

6.កាតសុខភាព

ប័ណ្ណសន្តិសុខសង្គមត្រូវបានចេញដោយការិយាល័យសន្តិសុខសង្គម។ បច្ចុប្បន្ននេះការិយាល័យមិនចេញកាតនេះទេហើយកម្មករអាចពិនិត្យមើលសន្តិសុខសង្គមដោយផ្តល់លេខអត្តសញ្ញាណជាមួយនឹងការិយាល័យសន្តិសុខសង្គម។ និយោជកនឹងជូនដំណឹងដល់ការិយាល័យសន្តិសុខសង្គមសម្រាប់កម្មករនិយោជិករបស់ខ្លួនក្នុងការចុះបញ្ជីសន្តិសុខសង្គម។ ថ្លៃចំណាយនឹងត្រូវបានផ្តល់ជូនប្រចាំខែដោយនិយោជក និយោជិក និងរដ្ឋាភិបាលដោយផ្អែកលើប្រាក់ខែជាក់ស្តែងរបស់និយោជិក។​ ជាលទ្ធផលនិយោជកនឹងបង់ប្រាក់ ៥% កម្មករ(និយោជិត)នឹងបង់ ៥% ហើយរដ្ឋាភិបាលនឹងបង់ ២%។៧៥% អាស្រ័យលើប្រាក់ខែរបស់កម្មករ។ និយោជិតដែលស្នើសុំសន្តិសុខសង្គមត្រូវតែធ្វើការផ្ទៀងផ្ទាត់សញ្ជាតិនិងតម្រូវការលិខិតអនុញ្ញាតការងារឬលិខិតឆ្លងដែនឬឯកសារសម្រាប់សម្គាល់អត្តសញ្ញាណរបស់ពួកគេ។ សិទ្ធិក្នុងសន្តិសុខសង្គមមានការរ៉ាប់រងក្នុងករណីមានគ្រោះថ្នាក់ការងារ ពិការ ការបាត់បង់ជីវិត ការសំរាលកូន ផលប្រយោជន៍ពីការមានកូន ភាពអត់ការងារធ្វើនិងការចូលនិវត្តន៍។

7. ប័ណ្ណអនុញ្ញាតការងារ

ប័ណ្ណអនុញ្ញាតិការងារគឺជាលទ្ធផលនៃដំណើរការធ្វើអនុស្សរណៈរវាងប្រទេសកម្ពុជានិងប្រទេសថៃ។ វាត្រូវបានចេញដោយនាយកដ្ឋានការងារនៅប្រទេសថៃហើយអ្នកចំណាកស្រុកនឹងទទួលបានវាបន្ទាប់ពីពួកគេត្រូវបានបណ្តុះបណ្តាលនៅមជ្ឈមណ្ឌល ការធ្វើសមាហរណកម្មសម្រាប់កម្មករចំណាកស្រុកស្ថិតនៅខេត្តស្រះកែវ (នៅព្រំដែន) ។
ឯកសារដែលត្រូវការសម្រាប់ភ្នាក់ងារត្រូវបន្តគឺអត្តសញ្ញាណប័ណ្ណរបស់និយោជក ឤស័យដ្ឋាននិយោជក ផែនទីកន្លែងធ្វើការ ថតចម្លងលិខិតឆ្លងដែនរបស់ពលករចំណាកស្រុក រូបថត ៣x៤ របស់ពលករចំណាកស្រុក កិច្ចសន្យាការងារ លិខិតបញ្ជាក់សុខភាពរបស់ពលករចំណាកស្រុក និងបញ្ជីឈ្មោះពលករចំណាកស្រុកនៅក្រោមនិយោជក។ វាត្រូវចំនាយ ១៥,០០០ បាត ហើយមានសុពលភាពរយៈពេល ២ ឆ្នាំ។

8. ប័ណ្ណពណ៌ផ្កាឈូក

ប័ណ្ណពណ៌ផ្កាឈូកត្រូវបានចេញដោយក្រសួងការងារ។ វាគឺជាទម្រង់ចាស់នៃប័ណ្ណការងារដែលអនុញ្ញាតឱ្យពលករចំណាកស្រុកទៅធ្វើការនៅប្រទេសថៃរយៈពេល ២ ឆ្នាំហើយជាធម្មតាវាអាចបន្តសុពលភាពនៅពេលវាផុតកំណត់។ ឥឡូវនេះគ្រប់សន្លឹកប័ណ្ណដែលផុតកំណត់មុនថ្ងៃទី ៣១ ខែមីនាឆ្នាំ ២០២០ មិនអាចបន្តនិង​ត្រូវផ្លាស់ប្តូរសម្រាប់ប័ណ្ណ MOU ឬសៀវភៅការងារនៅក្រសួងការងារ។

ការជួយឧបត្ថម្ភពីភ្នាក់ងារជ្រើសរើសបុគ្គលិកក្នុងការស្វែងរកការងារនៅក្នុងប្រទេសថៃ

នៅពេលដែលអ្នកត្រូវបានជ្រើសរើសនិងបញ្ជូនទៅធ្វើការនៅប្រទេសថៃដោយភ្នាក់ងារជ្រើសរើសបុគ្គលិកឯកជន (PRA) ភ្នាក់ងារទទួលខុសត្រូវក្នុងការផ្តល់ជំនួយនិងជួយអ្នករៀបចំឯកសារទាំងអស់រួមទាំងឯកសារធ្វើដំណើរ និងឯកសារការងារទាំងនៅក្នុងប្រទេសកម្ពុជានិងថៃ ផ្តល់ការបណ្តុះបណ្តាលមុននិងចាកចេញ ការតំរង់ទិសការងារនាំអ្នកទៅកន្លែងធ្វើការ និងផ្តល់ជំនួយការអ្នកសម្រាប់រយៈពេល ៣ ឆ្នាំខណៈពេលដែលអ្នកកំពុងធ្វើការនៅក្នុងប្រទេសថៃ។

អ្នកត្រូវប្រាកដថាចំនួនទឹកប្រាក់ដែលអ្នកបង់ទៅឱ្យ PRA របស់អ្នកគឺសមហេតុផលសម្រាប់អ្នកព្រោះថាវាមិនមានតម្លៃស្តង់ដារដែលត្រូវបានបង្កើតឡើងសម្រាប់សេវាកម្មជ្រើសរើសបុគ្គលិកនិងរកទីកន្លែងសម្រាប់ពលករចំណាកស្រុកកម្ពុជាទៅកាន់ប្រទេសថៃ។ មានភ្នាក់ងារជាច្រើនដែលត្រូវបានអនុញ្ញាតដោយរដ្ឋាភិបាលដើម្បីជ្រើសរើសនិងបញ្ជូនពលករចំណាកស្រុកទៅក្រៅប្រទេស ដូច្នេះព្យាយាមរកឱកាសជាមួយភ្នាក់ងារជ្រើសរើសពលករជាច្រើនស្ថាប័នដែលប្រតិបត្តិការនៅក្នុងប្រទេសកម្ពុជា។

មិនមែនភ្នាក់ងារទាំងអស់ដែលកំពុងប្រតិបត្តិការនៅកម្ពុជាត្រូវបានចុះបញ្ជីស្របច្បាប់ទេ។ ដើម្បីឱ្យប្រាកដថាអ្នកទាក់ទងទៅភ្នាក់ងារដែលបានចុះបញ្ជីស្របច្បាប់អ្នកអាចទាក់ទងមន្ទីរជំនាញការងារនិងបណ្ដុះបណ្ដាលវិជ្ជាជីវៈនៅថ្នាក់ខេត្តដើម្បីបញ្ជាក់ពីស្ថានភាពចុះឈ្មោះរបស់ពួកគេឬអ្នកអាចទាក់ទងសមាគមភ្នាក់ងារជ្រើសរើសពលករកម្ពុជា ACRA ។ ពីប្រទេសកម្ពុជា ០២៣ ៦៧ ៩៩៩៩ ៦ (ពីក្រៅប្រទេស +៨៥៥ ២៣ ៦៧ ៩៩៩៩ ៦)

ប្រសិនបើ PRA មករកអ្នកដើម្បីផ្តល់ការងារដល់អ្នកនៅប្រទេសថៃឬអ្នកទៅរក PRA ដើម្បីធ្វើការនៅប្រទេសថៃសូមសួរឈ្មោះទីភ្នាក់ងារ ទីតាំងដែលអ្នកនឹងធ្វើការ ប្រភេទការងារដំណើរការឯកសារនិង តម្លៃនៃសេវាកម្មបែបនេះ។ សួរព័ត៌មាននេះទៅភ្នាក់ងារច្រើនស្ថាប័នហើយបន្ទាប់មកប្រៀបធៀបតំលៃ។

យោងតាមអនុក្រឹត្យ ១៩០ ស្តីពីការបញ្ជូនពលករចំណាកស្រុកកម្ពុជានៅក្រៅប្រទេសតាមរយៈភ្នាក់ងារជ្រើសរើសបុគ្គលិកឯកជន ភ្នាក់ងារ PRA មានកាតព្វកិច្ចផ្តល់ជំនួយដល់ពលករចំណាកស្រុកកម្ពុជានៅពេលដែលពួកគេស្ថិតនៅក្នុងប្រទេសកម្ពុជា នៅពេលដែលពួកគេស្ថិតនៅក្នុងប្រទេសថៃនិងនៅពេលមកដល់ប្រទេសកម្ពុជាវិញ។ ដូច្នេះអ្នកអាចទូរស័ព្ទទៅ PRA របស់អ្នកសម្រាប់ការផ្តល់ជំនួយក្នុងអំឡុងពេលដំណើរការនៃការងាររបស់អ្នក។

នៅពេលកិច្ចសន្យានៅប្រទេសថៃខុសពីកិច្ចសន្យាដែលបានចុះហត្ថលេខានៅក្នុងប្រទេសកម្ពុជា

នៅពេលដែលកិច្ចសន្យាដែលបានចុះហត្ថលេខានៅកម្ពុជាខុសពីហត្ថលេខាចុះនៅក្នុងប្រទេសថៃវាហៅថាការជំនួសកិច្ចសន្យា។ ពលករចំណាកស្រុកកម្ពុជាជាច្រើននាក់បានឆ្លងកាត់កិច្ចសន្យាជំនួសនៅពេលកំពុងធ្វើការនៅបរទេស។ នៅពេលអ្នកជួបប្រទះបញ្ហានេះជាដំបូងសូមទូរស័ព្ទទៅទីភ្នាក់ងារជ្រើសរើសបុគ្គលិកឯកជនរបស់អ្នកដើម្បីដោះស្រាយបញ្ហាសម្រាប់អ្នកហើយសុំឱ្យពួកគេផ្តល់ការងារដែលអ្នកបានចុះហត្ថលេខាពេលនៅប្រទេសកម្ពុជា។ កុំចុះហត្ថលេខាលើកិច្ចសន្យាការងារណាមួយនៅប្រទេសថៃដែលផ្តល់ដោយភ្នាក់ងារថៃឬនិយោជក។

ប្រសិនបើ PRA មិនផ្តល់ជំនួយណាមួយដើម្បីដោះស្រាយបញ្ហានៃកិច្ចសន្យាជំនួសទេសូមទាក់ទងស្ថានទូតកម្ពុជាប្រចាំប្រទេសថៃឬទីប្រឹក្សាការងារនៅថៃដើម្បីជាជំនួយការ

កុំចុះហត្ថលេខាលើឯកសារណាមួយជាភាសាដែលអ្នកមិនយល់ទាំងនៅក្នុងប្រទេសកម្ពុជានិងប្រទេសថៃ។ នៅពេលអ្នកចុះហត្ថលេខាលើកិច្ចសន្យាការងារមានន័យថាអ្នកយល់ព្រមជាមួយកាតព្វកិច្ចនៅក្នុងកិច្ចសន្យា។ ដូច្នេះវាសំខាន់ណាស់ដែលអ្នកអាននិងយល់គ្រប់ពាក្យទាំងអស់នៃកិច្ចសន្យា។ ប្រសិនបើអ្នកមិនយល់ទេសូមកុំស្ទាក់ស្ទើរក្នុងការស្វែងរកជំនួយពីអង្គការក្រៅរដ្ឋាភិបាលហើយត្រូវប្រាកដថាអ្នកយល់និងយល់ព្រមចំពោះលក្ខខណ្ឌក្នុងកិច្ចសន្យាការងារមុនពេលអ្នកចុះហត្ថលេខា។ គ្មាននរណាម្នាក់អាចបង្ខំអ្នកឱ្យចុះហត្ថលេខាបានទេ។ ប្រសិនបើនិយោជករបស់អ្នកបង្ខំអ្នកឱ្យចុះហត្ថលេខានោះអ្នកត្រូវរាយការណ៍ពីការពិតហើយសុំជំនួយ។

 

ពត៌មាន
និងព្រឹត្តិការណ៍ផ្សេងៗមើលទាំងស្រុង

 

 

ប្រទេសថៃនឹងជួយធ្វើអោយមានភាពងាយស្រួលដល់ពលករចំណាកស្រុកស្របច្បាប់តាមរយះបច្ចេកវិទ្យា។

ប្រទេសថៃនឹងជួយធ្វើអោយមានភាពងាយស្រួលដល់ពលករចំណាកស្រុកស្របច្បាប់តាមរយះបច្ចេកវិទ្យា។

ប្រទេសថៃបាននិងកំពុងប្រើជំនួយបច្ចេកវិទ្យាម្តងទៀតក្នុងការ […] អានបន្ថែម

អ្នកសរសេរប្លុក Faces to Hearts ធ្វើទស្សនកិច្ចមកកាន់គម្រោង Migra Action

អ្នកសរសេរប្លុក Faces to Hearts ធ្វើទស្សនកិច្ចមកកាន់គម្រោង Migra Action

លោកស្រី Lauren Kana Chan ជាអ្នកសរសេរប្លុកនិងជាអ្នកនិទានរឿងជនជាតិជប៉ុន បានមកទស្សនាគម្រោង Migra Action ... អានបន្ថែម

ប្រទេសថៃបានផ្តល់សច្ចាប័នលើការងាររបស់អង្គការ ពលកម្មអន្តរជាតិក្នុងអនុសញ្ញានេសាទលេខ ១៨៨

ប្រទេសថៃបានផ្តល់សច្ចាប័នលើការងាររបស់អង្គការ ពលកម្មអន្តរជាតិក្នុងអនុសញ្ញានេសាទលេខ ១៨៨

នៅថ្ងៃទី ៣០ ខែមករា រាជរដ្ឋាភិបាលថៃបានប្រកាសពីការផ្ដល់សច្ចាប័នលើអនុសញ្ញាលេខ ១៨៨ របស់អង្គការពលកម្មអន្តរជាតិ (ILO) ... អានបន្ថែម

លិខិតសរសើរជូនអង្គការ GVC នៅខេត្តឧត្តរមានជ័យ

លិខិតសរសើរជូនអង្គការ GVC នៅខេត្តឧត្តរមានជ័យ

អង្គការ GVC បានទទួលលិខិតសរសើរមួយពីអភិបាលខេត្តឧត្តរមានជ័យសម្រាប់កិច្ចខិតខំប្រឹងប្រែង ... អានបន្ថែម