គម្រោងមីក្រា អាក់សិន

ដើម្បីលើកកម្ពស់បណ្តាញនៃការធ្វើចំណាកស្រុកដែលមានសុវត្ថិភាព គម្រោងពង្រឹងមត្ថភាពក្នុងការទទួលស្គាល់នូវករណីនៃការកេងប្រវ័ញ្ច បង្កើនជំនាញតស៊ូមតិនិងជំនាញក្នុងការធ្វលទំនាក់ទំនងរបស់អង្គការសង្គមស៊ីវិល អាជ្ញាធរមូលដ្ឋាន ពលករទេសន្តប្រវេសន៍និងគ្រួសាររបស់ពួកគេ ដើម្បីលើកកម្ពស់ការយល់ដឹងនៅថ្នាក់មូលដ្ឋាន ថ្នាក់ជាតិជាតិ និងអន្តរជាតិ។ វាបង្កើនចំណេះដឹងនៅថ្នាក់មូលដ្ឋានតាមរយៈក្រុមជួយខ្លួនឯង (SHGs) ចំនួន ២៥ក្រុម ក្នុងការការពារពលករទេសន្តប្រវេសន៍ប្រឆាំងនឹងទំរង់ផ្សេៗនៃការរំលោភបំពានជាច្រើន ដែលទាក់ទងនឹងការធ្វើចំណាកស្រុកដែលគ្មានសុវត្ថិភាព និងការជួញដូរមនុស្ស។ ក្រុមជួយខ្លួនឯងជួយប្រមូលព័ត៌មាន ដើម្បីសិក្សាស្វែងយល់ពីផលប៉ះពាល់នឹងការអនុវត្តជាក់ស្តែងរបស់ពួកគេ។

គោលបំណងនៃការលើកកម្ពស់ការយល់ដឹងអំពីហានិភ័យនៃការធ្វើចំណាកស្រុកដោយខុសច្បាប់ក្នុងចំណោមជនអន្តោប្រវេសន៍ដែលជាសក្តានុពល គម្រោងនេះផ្តោតលើការផ្តល់សិទ្ធិអំណាចដល់សហគមន៍ក៏ដូចជាអតីតពលករទេសន្តប្រវេសន៍។

ផ្នែកសំខាន់បំផុតនៃគម្រោងនេះ គឺទូតសុឆន្ទៈសង្គមរបស់គម្រោង – អតីតពលករទសន្តប្រវេសន៍ ដែលបានសំរេចចិត្តថ្លែងសុន្ទរកថា និងចែករំលែកសក្ខីភាពរបស់ពួកគេជាមួយសហគមន៍របស់ពួកគេ ដើម្បីលើកកម្ពស់ការយល់ដឹងដល់បងប្អូនប្រជាជនកម្ពុជា និងពលករទសន្តប្រវេសន៍ដែលជាសក្តានុលផ្សេងៗទៀត។ អាន ‘លើសពីអ្វីដែលបាននិទាន‘ – ការប្រមូលសក្ខីភាពរបស់ពួកគេដើម្បីយល់ដឹងពីពួកគេកាន់តែប្រសើរ។

ធាតុសំខាន់នៃគម្រោងនេះ គឺជាយុទ្ធនាការនៃការធ្វើទំនាក់ទំនងដែលបានអនុវត្តដោយសហការជាមួយប្រព័ន្ធផ្សព្វផ្សាយមួយ។ យុទ្ធនាការផ្សព្វផ្សាយនេះត្រូវបានធ្វើឡើងដោយមានការសហការនិងការចូលរួមរបស់ក្រុមមិ្តអប់រំមិត្ត ដែលជាក្រុមយុវជនដែលបានទទួលការបណ្តុះបណ្តាលអំពីការនិទានរឿង ការកាត់តថតវីដេអូនិងរូបថត ដើម្បីប្រមូលសក្ខីកម្មរបស់ពលករទេសន្តប្រវេសន៍ ដែលត្រឡប់ទៅភូមិរបស់ពួកគេ និងជូនដំណឹងដល់មិត្តភក្តិអំពីហានិភ័យនៃការធ្វើចំណាកស្រុកដែលខុសច្បាប់។អានរឿងរបស់ពួកគេនៅលើទំព័រ Facebook របស់គម្រោង:

គ​ម្រោងមីក្រា អាក់សិន MIGRA ACTION ដែលជាការតាមដាននៃគម្រោងមីក្រា សេហ្វ MIGRA-SAFE ដែលបានអនុវត្តកាលពីឆ្នាំមុនៗដោយផ្តោតលើការសហការយ៉ាងជិតស្និទ្ធជាមួយអាជ្ញាធរជាតិ និងអន្តរជាតិ- ជាពិសេសគណៈកម្មាធិការជាតិប្រឆាំងការជួញដូរមនុស្ស (NCCT) និង​PCCT និងមន្ត្រីខេត្តនៃក្រសួងការងារ-ការត្រួតពិនិត្យនិងការតស៊ូមតិ ដើម្បីអនុវត្តន៍ដំណោះស្រាយដោយមានប្រសិទ្ធិភាពដោយរដ្ឋាភិបាលនិងការលើកកម្ពស់ការរាយការណ៍អំពីករណីកេងប្រវ័ញ្ច។

គម្រោង MIGRA ACTION ក៏ដើរតួជាស្ពាននៃគម្រោង MIG-RIGHTផងដែរ ដែលមានគោលបំណងបង្កើនកិច្ចសហប្រតិបត្តិការរវាងអាជ្ញាធរថៃនិងអាជ្ញាធរកម្ពុជា។